هذه نكت ليست مضحكة

هاي صبايا كيفكم هذه بعض النكت الغير مضحكة

قالك هدا طفل يخرج بزاف عن الموضوع سقساه الشيخ قالو ما هو النت فاجابه التلميذ

النت هو وسيلة حضارية لجلب المعلومات و جعل العالم قرية صغيرة يمكن مشاهدة الحيوانات عبره

كالحيوان كوفي كوجيا وهو حيوان أسود البشرة دو ادنين كبيرتين ..... فقاطعه المعلم وقال له لا تخرج عن الموضوع

في الغد سألهم ما هو الدواء فاجاب التلميد الدواء هو وسيلة للشفاء لكن الله هو الشافي وحده لا شريك له خلق الكون والحيوانات كالحيوان

كوفي كوجيا وهو حيوان أسود البشرة دو ادنين كبيرتين ...... فاعطاه الأستاد كونفوكاسيون

غدا اتى أبوه ليتحدث مع الاستاد فقال له الاستاد أن ابنه ليس متربي

زعف باباه وهبط عند المدير وقال له والله الاستاد قلقني بالكلمة هاديك زيد شوية ونطحتو كما نطح الشاوشي كوفي كوجيا وهو حيوان أسود البشرة دو ادنين كبيرتين .....

قالك جزائري صحيح بزاف يخدم في السونالكوم

قاعد يشاطي مع وحدة مصرية قالها واش تعملي

قالتلو انا بقرة في الكلية (نقرى في الليسي باللهجة نتاعنا )

ثم قالتلو انت تعمل ايه ؟؟؟؟؟

قالها أنا ثور في السونالكوم

قالك واحد الطفل ما يشتيش يكومبليكي الامور خلاص وهو سنبولي بزاف

عندهم امتحان نتاع رسم مدة ساعتين قالك صحابو يرسمو وهو قاعد يلعب بالطيليفون

خلصت الساعتين وبدات الاستادة تصحح كاني اللي دى 15 وكان اللي حطتلوا 16 ......

المهم وصلت عندو لقات الورقة بيضاء قالتلوا وينهيا رسمتك

قالك هز سطيلو احمر ودار نقطة

قالتلوا الاستادة وشي هدا ؟؟؟؟؟؟؟؟؟؟؟

قالها الحيوان كوجيا في الظلمة جاي من بعييييييييييييييييييييييييييييد (مايبان فيه والو غير الكارطون روج)

واحد كافي ما يفهم والو في البالو سمع الغاشي بكل يحكي على كوفي كوجيا حسبها هاجة جديدة كما السيبار كافي

مالا ماشي في الكارتي

لقى بلاكا فوق حانوت مكتوبة فيها كوفي دخل للقهوى قالو اعطني واحد كوجيا بلا سكر

قالك كوفي كوجيا كان في صغرو يقرى في مصر على هادي يحبها كان يقرى في قسم نتاع بويض برك

مالا وهم يقراو راح الطريسيطي كتبوه غايب

علابالي بلي حكايات سامطين رهج بصح اضحكو برك للمجاملة

تحياتي لكم