إن ضآقق صدركك - حمـودد المزيني

السلآمم عليكك ـمم ورحمةة الله وبركآتةة

كييفكك ـمم ؟

عسسسسآكك ـمم ع ـآلصحةة .

قصيدددةة كتبهآ ششآعرر محترفف ... فنهه لو بعدد أجيآلل مآننسآهه

الششآعرر الموهوبب :. حمودد المزيينيي

إنن ضآقق صدركك

قصيدة ان ضاق صدرك

. ان ضاق صدرك ويش هي حيلتك فيه ‍
مااشد من صدرٍ من الهم ضايق
تروح للدكتور تطلب يداويه ‍
والا تعرض المشكله للخلايق ؟
والا تشمّت بالقدر في بلاويه ‍
وسب القدر هو والدهر غير لايق ؟
والا تحاول كتمة الهم تطويه ‍
طيه على طيه سواة اللزايق ؟
والا تهلّ الدمع يالين صافيه ‍
يقضي وتجعل من سريبه لحايق ؟
والا تخرّبها وتمشي مع التيه
تطيع من قال : اشرب ترى الجوّ رايق ؟
والا يطول الدرب تتعب مماشيه ‍
وانسدّت بوجهك جميع الطرايق ؟
وكلٍ تخلّى مايودك تحاكيه ‍
وان كان هو حاكاك يخفي الحقايق ؟
والا تقول : الموت يارب ( تدعيه ) ‍
أو تنتحر للنار تصبح حرايق ؟
كل الحلول السابقه ماتشافيه ‍
تزيد ضيقك ضيق كلّه عوايق
الحل واحد وانتبه لاتخلّيه ‍
خلّ الذي غيره وخل العلايق
الراحمين ارحمهم الله ناجيه ‍
خلّك توال الليل لله فايق
الكون والليّ فيه من هو مسّويه ‍
أفلاك ، مخلوقات ( جلّ ودقايق )؟
ماضاق ربك باوله مع تواليه ‍
يضيق بك من هو للارزاق سايق ؟
وان كنت منصف اسأل النفس قل : ليه ‍
وش قصتي يانفس انا ليه ضايق ؟
اما تقول :الله لك سنين عاصيه ‍
خذا عليك العهد بس انت بايق
والا الذي كلٍ به الله موصّيه ‍
اغضبتهم وارضيت باق الخلايق
والا دعى عليك من كنت موذيه ‍
له دعوةٍ تسبق سراع الطلايق
والا كتاب الله عسى مانت جافيه ‍
اشغلت نفسك بالعبث والطقايق
والا انت من لطّخ مواطيه ويديه ‍
باكل الحرام وفي يمينك لعايق
والا انت تسقي زرع مانته براعيه ‍
ومع شين فعلك تفتخر به تمايق
والا ان فرضك ماتداني تصلّيه ‍
مالك على الركعات شوق وشفايق
والا الحسد والكبر بالقلب ماليه ‍
والا لسانك للنمايم نطايق
والا لهفت اللي بك الله موليه ‍
مال اليتيم او من حلال الشقايق
او كل يومٍ ألف حلفٍ توديه ‍
وتشهد شهايد زور ماهي حقايق
او تدعّي بالدين والدين مخطيه ‍
لك وجهةٍ لااحتجتها لك مهايق
اكيد بك شيٍ عن الخلق مخفيه ‍
حطّيت من فوقه نقوش ونمايق
تقبّل القبله وصدرك ومافيه ‍
استسلم وسلّم بليّا ربايق
ثم اعترف بالله وكبّر وناجيه ‍
انت اصغر ولكن غرورك سمايق
ايقف كما المرهون يلمس مخابيه ‍
واكتِف كما المسجون سجنه سحايق
تعوّذ من اعدا العدا ثم عاديه ‍
وازبن على فلاّق سود المحايق
اخشع وكل العالم انسه ونحّيه ‍
واركع وبعد الرفع اسجد دقايق
يارب .. انا المسكين مالي مشاريه ‍
ضاقت به الدنيا وصارت بنايق
ثم اعترف بالذنب والله محصيه ‍
اوكل به اللي فوق حدى العنايق
وليا انكسر قلبك لربك فهنّيه ‍
ياما تصير دموع عينك غدايق
وليا انهشمت وولّع الشوق حاديه ‍
لله لعلع كالبروق الشعايق
أدلج ترى ليلك تقّدت مساريه ‍
واصبر على المسرى ولو به رهايق
واللّي مشى لله ترى الله ( ياتيه ‍
اسرع ) بقولٍ صححته الوثايق
والله هدى الانسان ماهو بمغويه ‍
مايغوي الا بليس راع الحنايق
اكبر عدوٌ للنفس واللي يجاريه ‍
يرديه ماله لو يحاول عتايق
الا الذي مع فطرة الحق هاديه ‍
يكشف حجاب الهجر بين العمايق
من بعدها مايسأل العبد يعطيه ‍
جزل العطايا لاعطاها بثايق
من بينها شرح الصدور المواليه ‍
مع الهدى هو التقى والتوايق
والعبد كان الله ماهو بمغنيه ‍
مايغتني لو ساعدوه الخلايق .

رآقق ليي ..

يسلمو :aqw:

يعطيييككك العآفيةة ي قممرر
الموضوع مره قمميل زييكككك
و كلممآت حلوه
واتمنى لكك توفيق
نستنى موضوعككك الثآنيي,’
و افحططط للتقيييم ,،’