المقدمه ~>
فـي السعوديه , بالتحديد الظهرآن
الظهرآن وما أدراك ما الظهران
منطقه رائعه وجميله وسياحيه
احياء سكنيه نظام امريكي وشوارع نظيفه واسعه
واغلب سكانها (امريكيين,بريطانيين,هولنديين...)
بس للاسف
في اهل اهملوا بنتهم الوحيده
وكوّنت لها عالمها الخاص ومعتقدآتها الخاصه
خلونـآ نتعرف على بطلتنا اكثر
|
|
7
كتاب مذكراتي الصغير
يحمل في طياته كثير من التخيلات
يحمل فارس احلامي
الذي احلم به في كل ليله
أحبه
سرق قلبي وعقلي
ولكن ,, هل سأجعله يقرأ مذكراتي هذه ؟
ههه ,, هذا محرج حقا
فإني اتغزل به قبل معرفته بـ سنوات
ولكن السؤال المشوّق , هل سـ الاقيه يوما ؟
صفحه اخرى ~
هذا اول يوم لي في مدرستي المتوسطه
عمري الان 13 سنه
المرحله المتوسطه مرحلة انتقال كبيره
من طفوله الى مراهقه
كثير من الفتيات يتكلمون عن رجالهم
ولكنهم للاسف رجال غير دائمون
انهم ذئاب متوحشه تلتهم زهورا
ولكني لست من هذا النوع
فـ أنا ابحث عن فارس احلامي الدائم
كنت امشي بـ ساحة المدرسه
و نظرت الى صديقة الطفوله والابتدائيه
" سحر "
لقد تغيرت , انها تصاحب بنات سوء
يا الهي , مرّت بجانبي ونظرت الي باستحقار
انها صديقتي ؟ لماذا تغيرت ؟
صفحه اخرى ~
لقد بدأت الاجازه الصيفيه
احب استغلال اوقات الفراغ بـأشياء تنفعني
لقد سجلت بـ معهد لتقوية لغتي الانجليزيه
فـ أنا احبها كثيرا
ولكني احب اللغه العربيه اكثر
فهي لغة كتاب مذكراتي الصغير الذي سـ اهديه لـ فارسي
صفحه اخرى ~
انا الآن دخلت صف جديد
الا وهو ثاني متوسط
عمري الان 14 سنه
ومازلت انتظر فارسي
سئمت الانتظـآر ؟
متى سـ الاقيه
اوه , لقد نسيت اخبارك يافارسي
لقد تعرفت على فتاة في صفي
انها تجلس بجانبي
طيبه وخلوقه و حيويه ونشيطه كثيرا
بعكس هدوئي وغموضي
ولكني احبها
اريد اخبارك سرا !
لقد توطدت علاقتنا وتعمقت كثيرا
الان هي صديقتي حقا بكل ماتعنيها الكلمه
اممم , لقد اخبرتها عن كتاب مذكراتي الصغير
ولقد قرأت بعض الصفحات
انها بجانبي الان , وتريد كتابة شيء
هــلااا وش اخبار الفارس الغامض خخخخخخ
صراحه الله يعنيك عليها
عمري ماشفت بنت بهالغمووض
وان مسحتي هالكلام ياويلك خليه عشان يشوفه سعيد الحظ
ساااره كانت هناا , تششاو
عزيزي , انا اسفه
ولكنها اصرت وهي صديقتي حقا لا ارفض لها طلبا
صفحه اخرى ~
اهلا يا فارسي
انا الآن ابلغ من العمر 15 سنه
لقد فتحت عينآي على اشياء كثيره
انا الآن انسانه شبه اجتماعيه
لقد تغير شكلي في هذه السنه
لا اريد ان اكون الفتاه الانطوائيه بعد الان
سـ اغير من شكل شعري وملابسي كي ابرز انوثتي للذي لم يراها
سـ اسير على خطى الموضه
سـ اكون مراهقه جميله بـ معنى الكلمه
سـ انتظرك
صفحه اخرى ~
شيء مفرح حقآ , لقد انتهيت من المرحله المتوسطه الممنوع السب في المنتدى
انا الآن في اول ثانوي , عمري الان 16 سنه
اريد ان اكون فتآه عاقله كبيره ,,
ههه يا الهي كم كنت ممنوع السب في المنتدى ؟ هل من الحقيقه اني كتبت هذه العباره يوما ؟
"سـ أكون مراهقه جميله بـ معنى الكلمه "
يا الهي انه الجنون بـ عينه
اريد اخبارك يافارسي اني لازلت مع صديقتي ساره
لن ولن ولن القى صديقه وفيّه مثلها , احبها كثيرا
بالطبع انت اكثر ههه ~
تصبح على خير يا حبيبي
صفحه جديده ~
آآآآآآه
مررت سنوات طويله , لقد انتظرتك كثيرا
تفضل
انا الاان بـ ثاني ثانوي وعمري 17 سنه
ولكنك لم تظهر ؟ اين تسكن ؟ اين تعيش ؟
نحن في نفس الارض لماذا لاتظهر لي ؟!
يا الهي , اني غاضبه جدآآ
لا اريد ان اذهب للمدرسه واكتب صفحه كامله لتفاصيل كل يوم لتقرأها
لقد انتظرتك طويلا
ولكنك لم تظهر لي
الآن ...
والآآن ..
نعم الآآن ........................
انا
من
سـ
يبحث
عنك
انتظرني
\
/
\
الفصل الاول - الجزء الاول
سكرت كتابها بقوه , ورمته ع الارض
- أوف أوف انتظرت بما فيه الكفآيه
خذت آيفونهـا واتصلت على عمها
- هلا فيصل
- اهلين ألين اخبارك يا عمو
- تمآم , اممم ممكن طلب
- امري
- تعال بيتنا ابيك بموضوع ضروري ما يصلح بالمكآلمه
- أوكي , اصلا انا قريب من البيت
- اوكي سي يا
مسكت راسها : مدرسه مدرسه مدرسه أوف
طق طق طق طق ~> الباب
ألين بهدوء : تفضل
- صباح الخير
- (بفرح) صباح الخير ماما
- ليه مارحتي المدرسه ؟
- بس ماما مآلي خلق
- غريبه انتي ولا مره غبتِ
- (ابتسمت) ان شاء الله هذي اخر مره
دخلت الخآدمه
- مستر فيصل برا يقول ابغا ألين
الام استغربت التفتت على ألين
- لا يكون فيه شي ؟
- لالا انا ابغآه , عن اذنك بروح له
ــــــــــــــــــــــــــــــــــــــــــــــــــ ـــــــــــــــ
في المدرسه
(صوت الجرس)
ساره : بتبدأ الحصه الثانيه وألين لما الحين ماجات
التفتت على طآولة ألين بجنبها
على الطاوله ملزق ورق فسفوري صغير
ومكتوب فيه انتظرك و wait for you
بـ مختلف الالوان والاشكآل
سـآره : والله هالبنت مجنونه هه ,,..
ألين غريبة اطوار بـ مدرستها
والكل يغار من شكلها ويستغربون من تصرفاتها
نرجع لـ ألين
- (العم فيصل) لا مستحييل , هالطلب المستحيل بـ ذاته
ملآحظه : فيصل عمره 20 سنه , يعني بينه وبين ألين 3 سنين , وهم متقاربين بشكل مو طبيعي ~
- مافي شي مستحيل , انا مليت مليت ابيك تنفذ طلبي
- انتي تفهمين الي تقولينه ؟ (بهمس) هالطلب يمكن يمسك ويمس شرفك
- (بهدوء كعادتها) محد يقدر يمس شرفي , انت بس نفذ طلبي , والباقي علي
- استغفرالله , ماشفت اعند منك ! , طيب واذا ابوك او امك عرفوا بالموضوع
-
هه بآبـا ؟ بابا مسافر ومشاعره وخوفه علينا سافروا معاه , ولا عمره سأل
عنّا بعكس حبيبي الي يخاف علي ويسأل عني طول الوقت , وامي مستحيل تعرف ,
لانها ماتستفسر عني , اصلا مشغوله بوظيفتها وانا لي شهر ماشفتها , توها
دخلت غرفتي قبل شوي , لما تنفذ طلبي راح اكون اسعد انسانه بالعآلم , لان
وقتها بـ ابحث عنه والاقيه
- انتي مين غاسل عقلك وقايل لك هالخرابيط ؟
- محد , هذي شخصيتي بليز فصول نفّذ طلبي
- طيب بشوف
صفحه ~
لقد طلبت من عمي الطلب الكبير
الذي ربما يشوه سمعة عائلتي ويمسني
ولكنها صفقه تستحق المجازفه
لاني سـ أجدك
بعـد أسبوع
- كل شي جاهز يا ألين , الاوراق والشهادات وكل شي
- هههه وناسه شكرا
- (ابتسم بألم ) بس خايف عليك
- (ناظرته بـ حنيه) لاتخاف علي مابيصير لي شي , انا ادري هذا الي كاتبه لي القدر
- (ناظرها بـ برائه) بس اذا صار فيك شي ؟ انا السبب ؟ راح احس بالذنب ,,..
- مابيصير لي شي (مسكت يده) وعد
- (سحب يده ب تغلي وتكابر) طيب طيب , تقدرين تتدآومين من بكره , راح اخذك معاي على اني ولي امرك
- I am all ready ..
- اوكي انا بطلع , فمآن الله
- سي يـآ
لحظآت
رن ايفونهـآ
- هلا ساره
- انتي خبله خبله ؟؟
- شفيك ؟
- اسبوع كامل ولا جيتي المدرسه ؟
- ماتقدرين تجين في بيتنا وتسألين عني ؟ ولا حتى انتي نسيتيني ؟
- (انبها ضميرها) سوري , بس ظروف
- حتى انا ظروف
- طيب بشري شنو اخر الاخبار ؟
- ساره انا سويت شي كبير كبير , وبكره راح ابدأ فيه
- شنو هو ؟
- تعالي بيتنا عشان اقولك
- اوكي ثواني وجايه
- هه يعني بس عشان الاسرار تجين
- ههههههه افا عليك , يلا تشاو
- سي يا
بعد مآوصلت ~
وبعد السؤال عن الاخبار وblah blah blah..
- (ساره شهقت) خبببببببببله !! انا من عرفتك وانتي خبله ومجنونه
- (بنظره بارده) ساره شفيك ؟! عادي ,, وبعدين انا مابسوي شي خطأ , انا بدور عن حياتي
-
(ساره عصبت) انتي ممنوع السب في المنتدى ؟ تروحين مدرسة أولاد عشان
تلاقينه بس ؟ انا ولا عمري توقعت ان في بنت مثلك بهالعالم , استغفري ربك
وقعدي بس
- ساره , ما اقدر اتحمل اكثر ! تتدرين كم سنه وانا انتظر
-
(ساره بهدوء) ألين حبيبتي (جلست جنبها) النصيب هو الي يجيك بالوقت المناسب ,
وبعدها بتعيشين حياه حلوه وهنيّه , ولا تنسين هاللي تسوينه مايرضي الدين
والشرع , وحتى اهلنا ماعلمونا هالاشيـاء , هذي مو عاداتنا وتقاليدنا
- هه , ليه في احد ربّاني على هالقيم ؟ انسي الموضوع , اصلا فيصل ساعدني
- (وقفت وصرخت بعصبيه) فيصصصصصصصصصل ؟ ياربي على هالفيصل مادري شالعم هذا ! الي مايخاف على بنت اخوه , وبعدين وش ساعدك فيه ؟
- جهّز لي الاوراق والشهادات الي احتاجها بإسم مستعار
- قصدك زوّر لك
- Anyway ..
- اسمحيلي ألين , انا ما اقدر اشوفك تروحين لهذا الطريق , وياريت ماتكلميني إلا اذا غيرتي رايك , باي
طلعت ساره وتركت ألين لحالها
صفحه ~
هل تصدق هذا ؟ لقد تركتني هي ايضا ؟
صاحبتي ساره ؟ لقد تركتني في الوقت الذي احتاجها فيه
تركتني وحيده
ولكني سـ اجدك , فأنت الوحيد الذي لن تتركني وستكون معي
سـ ألقآك غدآ
انتظرني ..
\
/
صفحه ~
الصبآح
انه الشروق , الشمس تشرق
وتجلب معها الامل والتفاؤل وبالطبع = يوم جديد
يوم جديد لي انا , سـ اذهب للمدرسه بعد قليل , سـ انتظر فيصل
لفت على جسمها قماش خاص يخلي جسمها متساوي ومستقيم
لبست ملابس جديده اشترتهم ~
بس الي ماتقدر تغيره
ملامح وجهها الناعمه , صوتها الانعم , مشيتها , واكيد طولها لانها قصيره وكأنها بنت بـ متوسط ~
رن الايفون
- ألين انا برا
- اوكي فيصل ثواني وانا عندك
تنهدت
ومشت بخطوات ثقيله الى الباب
طلعت من بيتهم لاول مره
وهي مو لابسه حجابها
طلعت من بيتها على انها ولد
شافت سيارة عمها قدآمها
فتحت باب السياره ودخلت بسرعه وسكرته
حطت يدها على وجهها
- يارررربي معقوله انا طلعت بهالشكل ؟ ماني قادره اتحمل ! احس الكل يطالعني
- هه , وهذا انتي توك طالعه من بيتكم , اجل كيف بتروحين مكان كله اولاد , واولاد ثانويه بعد
- (فتحت عينها لاخر درجه) جد ؟
- (رفع حاجبه) ألين شفيك من هالصبح ! اذا تبين نلغي كل شي ترى انا جاهز ,,..
- (استجمعت قواها) لا مستحيل الغي , قلت لك انا لازم القآه
- (رفع اكتافه) ع راحتك
بعد عدة دقائق
وصلوا المكان
مدرسة الاولاد الثانويه
- يلا انزلي
- طيب انت انزل قبلي
- آآخخ طيب
نزل وفتح لها الباب
- يلا انزلي
- لازم ؟
- (التفت للمبنى الي وراه) هو داخل ينتظرك , اذا ماتبينه نلغي كل شي , ترى عادي !
- (تأملت المبنى) انا بنزل
مدت رجلها للارض ونزلت من السياره
وظلت تمشي ورا عمها وهي منزله راسها
وكل الشباب كانوا يمشون ع يمينها ويسارها
كان الصباح والكل بيدخل المدرسه
كان يومهم عادي وطبيعي , بس يومها كان جديد وغريب
الكل ناظرها باستغراب ؟
- شفيه هذا ؟
- ليه منزل راسه !
- تصدق عاد كأنه بنيه خخ
- شف شف شعره باللهي مو كأنه خكري
- أراهنك بـ 1000 ريال ان صوته نآعم
وظلت تسمع التحطيمات
وكأن خطتها بائت بالفشل
دخلت المبنى واخيرا وصلوا لغرفة المدير
عشان عمها يسجلها بالمدرسه
بعد الاجرائات
- (المدير) حياك الله بالمدرسه يا محمد , واكيد بتكون متفوق لان شهاداتك تبيّن هالشي
- (ألين بصوت ناعم) شكرا
- (المدير استغرب) العفو
- (فيصل) أوكي انا استأذن !
- (ألين دون قصد) بروح معآك
- (المدير) ماتبي تدرس ؟
- (ألين توهقت ) امبلا اكيد
جـاء طالب لابس نظاره وشكله واحد متفوق
- (المدير) ناصر , ياريت تاخذ الطالب الجديد محمد لـ فصل 2\3 علمي
- (ناصر) ان شاء الله , تفضل معاي يا محمد
طلعوا مع بعض
- فصلك اشغب فصل بالمدرسه الله يعينك عليهم
- انت مو معاي بالفصل ؟
- لا ياحبيبي انا بـ ثالث ثانوي , بس بقى لي سنه وافتك
- ............................
بعد ماوصلوا
- هذا هو فصلك , واذا احتجت أي شي قول لي لاتنسى اوكي ؟
- طيب .... شكرا
- (ابتسم) العفو
وراح ناصر بكل بسـآطه
مآكان يدري هو مين يكلم !
ألين ظلت واقفه قدآم باب الفصل
استغربت انه اشغب فصل بالمدرسه
لانها واقفه قدآمه ومرره هادئ
كان كل الرواق الي قدآمها هادئ
وكله فصول
هدووء ...
بس الي تسمعه اصوات بعض الاساتذه وهو يشرحون الدرس
تسندت ع الجدار وغمضت عينها وابتسمت
بتلقآه ,, بتشوفه ,, بيكون موجود ~
قطع افكارها صوت الجررس
كان صوت حآآآد
بمجرد ماسمعت صوت الجرس
سمعت بعدها صوت صررااخ وضججه وضحك
وكل كل شي
كان صوت ازعآج
سدت اذنها بقوه وجلست ع الارض
اغلب الاساتذه طلعوا من الفصول
وعرفت ان هالهدوء ماكان الا هدوء قبل العاصفه
اغلب الاولاد طلعوا من الفصول ( وقت البريك )
حست بـ احد يهزها
- هييه انت قوم
- (رفعت راسها) ناصر !
- شفيك ؟ انا حسبت انك دخلت الفصل , الحين بريك روح اشتري لك شي وافطر
- ازعآج ما اسمعك
- (مسك ذراعها وسحبها و وداها مكآن هادئ) ليه مادخلت الصف !
- مادري خفت !
- (ناظرها بتفحص ) انت غريب
- (بصوت صغير) oops
رن الجرس ويعلن انتهاء وقت البريك ~
- اسمع , الحين بتروح الصف غصبآ عنك
- (بتطنيش) اوكي بروح بعد شوي
- (ابتسم بخبث) لا مو بعد شوي الحين (مسك ذارعها بقوه وسحبها للصف)
- لالا تكفىىى مابي بليز مو الحين
ماسمع لتوسلاتها و دخلها الفصل بسرعه
كان شبه فاضي , لان الاغلبيه بعدهم مارجعوا للفصل
ناصر سأل بعض الاولاد الي داخل الفصل
- فيه طالب جديد ! له مكان فاضي ؟!
- (فارس) ايوا ورا بالزاويه
- (ناصر ) يلا ادخل , عن اذنك انا بروح لان استاذنا يجي مبكر
- (ألين) لالا لاتروح ,,..
راح ناصر وتركها
جاء فارس وضربها على ظهرها
- وش الاسم الكريم ؟
- (تألمت) آآي .. اسمي ألـ..اقصد محمد
- انا فارس , وراح اعرفك على الشخصيات البارزه بالفصل
- (بعدها متألمه) طيب
بدأو الطلاب بالدخول للفصل
ودخل طالب قصير ولابس ثوب اصفر مع نظاره طبيه
فارس : هذا فرج , لاتقرب منه , معقد وكسلان وكل الفصل يلعبون فيه لعب ماصار ولا استوى
دخل طالب ابيض وشعره بني فاتح
فارس : هذا رآمي ومن شكله تعرف انه لبناني , له واسطات ومستواه الدراسي متوسط , اجتماعي ونص يحبونه ونص يكرهونه
دخل طالب عيونه صغار واسمر وشعره اسود مجعد
فارس : هذا نور , طالب شاطر ومتفوق بس انطوائي
وجلس فارس يحلل كل شخصيه ويعرف ألين بالطلاب
ودخل شاب
فارس بنظرة حقد وقرف وكراهيه : طلال ! شـ اقولك عن طلال ؟
ألين ناظرت وجه فارس كيف تحوّل
والتفتت ع الشخص الي كان يطالع له فارس
دخل شـاب ولا كل الشباب
كلمة جميل شوي عليه , كان وسيم , جمال ربّاني شرقي
بشرته مائله للاسمرار
وعيونه عسليه فاتحه
ملامح وجهه مرسومه وانفه سيف
شعره بوي , بس واضح انه كثيف وناعم
جسم متناسق ورياضي شبابي
دخل الفصل بضحكه تعذب وخطوات واثقه وكأنه داخل على مملكته الخاصه فيه
بس ألين كرهته ,
كرهته من كل قلبها
لان هذا الوجه
هو نفس وجه الشخص الي كان يفرق بينها وبين حبيبها
~> بـ كتاب مذكراتها طبعا
ناظرته بـ حقد وكراهيه
تحس انه بيسوي لها مشآكل ومستعده له
قطع افكارها تصرف فارس
فارس : هههه هذا دآنيال جاء , عن اذنك
شافت فارس قآم على طول وراح لـ دانيال
دانيال كان غير !!
شعره بني وفي خصل شقراء , عيونه خضراء وبشرته بيضاء
وجسمه جسم اجنبي وملامحه ملامح غربيه
ابوه متزوج وحده اجنبيه
وهالملامح مو غريبه بالظهران
لان الظهران اغلبها امريكيين واجانب
المهم
فارس قآم له , لان دانيال اجتماعي ومحبوب بس انه هادئ وغامض احيانا
اما ألين كانت بعالم ثاني
هذا هو فارسها يمشي قدآمها
ماهي مصدقه , كانت نفس الصوره الي بخيالها طول هالسنين
اهو
مستحيل تشبه عليه
لانه اهوو
دمعت عينها وهي تشوفه
وقلبها قام ينبض بسرعه
وقفت بـ صعوبه ومشت بخطوات سريعه لـ دانيآل
بس ضربت بشخص وطاحت ع الارض
- (طلال بصراخ) انت عمي ماتششوف !؟
- (تألمت بس قاومت ,وجاوبت دون ماتشوف الشخص) آآي .. اسف كنت امشي بسرعه
- (رفع اصبعه السبابه) اسمع ! بسامحك هالمره بس لانك بفصلي , بس الوعد بالساحه
- (ألين شافته وحقدت عليه , والحين تبي تاخذ حقها , تكتفت بـ ثقه) اصلا انا من هالفصل , وبظل هنا طول السنه
- (تغير وجهه) نعم ؟!
- (فارس) ايوا صح , ياااشباااااب حبيت اعرفكم على طالب جديد اسمه محمد , وان شاء الله راح يكمل معانا
- (طلال) وليه شكله خكري كذا !
- (ألين قبضت يدها) شوف شكلك قبل لاتشوف اشكال الناس
- (طلال رفع حواجبه) هه شفيه شكلي مو عاجبك ؟!
- (خافت بس ابتسمت) للاسف لآ , عن اذنك
يـاربي انا شسويت ؟ معقوله تهاوشت على احد !
مسكين كنت قاسيه عليه مره ~> ع حد تفكيرها كانت طيبه حيل
تناست ومشت
وراحت لـ دانيال كان جالس بمكانه ويسمع الهوشه بهدوء
جلست جنبه وقالت بـ إبتسامه
- هلا
- (دانيال رفع حاجبه) ..................
- اوه ماتعرف عربي ؟
umm hi what's up ?
my name is mohammed what's yours ?
- (ناظرها بـ برود ) اتكلم عربي
- (تفشلت) هههه سوري بس .......
وقف وبعّد عنها ولا كأنها تكلمه : مابي مشاكل مثل ماسويت لـ طلال انا مو رايق
وراح عنها وغير مكآنه وكأنه يقول لها لاتلحقيني
خلته على راحته
بعد لحظات ~
دخل الاستآذ وبدأت الحصه
ألين راحت ورا وجلست مكانها
ورا بالزاويه جنب الجدار
كانت حاطه راسها ع الطاوله وتتأمل الجدار
حست بأحد جلس بالمقعد الي جنبها بس طنشت
كانت تتأمل الجدار بهدوء
وحست بـ شي يمشي ع الجدار
هه , كانت تتخيل لانها مانامت زين الليله الي قبلها
كانت مره متحمسه عشان المدرسه وبنفس الوقت خايفـ....
لحظه لحظه !!!
ماكانت تتخيل
(رفعت راسها )
هذا جد شي يمشي بالجدار
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآ
~> صرخه انثويه
حاولت تقوم من مكآنها بس كانت خايفه من هالحشره الكبيره
وتشقلبت هي والي جنبها على بعض
حظنته بقوه بخوف
- فيه حشره في حشرررره وخرها عني لاتجيني
- (طلال ويحاول يفكها منه) هيه انت مجنون ؟ قوم عني شالجلسه هذي !!!
- (الاستاذ بعصبيه) خير ان شاء الله ؟ وش هالمنظر ؟ قوم وقّف انت وياه
كل الفصل التفت على طلال والين
دآنيال ظل هادئ كالعاده وما التفت , بس بعدها حس بفضول
لان كل الطلاب التفتوا
التفت هو بعد وياريته ظل مثل ماكان
جاته قشعريره وحس بقرف لان المنظر غير لائق هع ~
كانت ألين طفله بحظن طلال بالنسبه لحجمه وحجمها ~
- (طلال) استاذ انا ماسويت شي محمد هو الي نقز علي
- (الاستاذ) مو عذر وقف (يوجه كلامه لـ فرج) فرج قوم و ودهم اثنينهم الاداره وقولهم عن الموقف الدرامي البايخ الي صار
- (فرج منزل راسه) حاظر استاذ
طلعوا الثلاثه من الفصل
وكان فرج يمشي قدآمهم
وطلال وألين جنب بعض
طلال : هيييه انت
فرج جمد مكآنه
تقدم طلال ومسك طرف ثوب فرج من كتفه
- انت مصدق انك بتوديني الاداره ؟
- (يرتجف) بس بـ..ـس الاستآذ قـ قـآآل .. لـي
- بلا استاذ بلا خرابيط هالكلام مايمشي علي وخصوصا منك انت , اسمع ارجع للفصل وقول للاستاذ انك وديتني الاداره , يلا اتحرك
- طـ .. طيب
راح فرج وهو شوي ويغمى عليه
كانت له سوابق مع شلة طلال ومستحيل يعيدها
- (ألين ابتسمت) شكرا انك خلصتني من هالموقف (ابتسمت اكثر) ان شاء الله اقدر اردها لك
- (التفت عليها وبنظرة احتقار قال) وانت حسبالك كل هذا عشانك !
تركها ورآح
اما ألين انصدمت
لحقته بخطوات سريعه
- الحين انت وين بتروح ؟ بروح معآك ماعندي مكآن
- (التفت عليها) انت ماتفهم ؟ روح للإداره !
- (غرقت عينها) اخاف اروح لحالي اكيد بـ يعطوني تعهد ويصرخون علي (حطت كفوفها ع وجهها وصارت تبكي دون صوت)
طلال لاول مره هز ّ مشاعره هالموقف
واقصد بمشاعره انه اشفق عليها مع مشاعر عاطفيه
و ذاك الشعور الي مانقدر نوصفه لما نكون بهالمواقف
- (قآم يكابر) طيب خلاص بس هالمره لاتصيح كأنك بنت (وكمّل بإبتسامه) تعال اوديك مكاني السري
- (رفعت وجهها وقالت بنبره حزينه ) وينه ؟
- (طلال سكت وظل يناظر وجهها) ...............
- (حست بـ الموقف وقالت بطريقه همجيه ) احم احم اقصد وين بتوديني ؟
- هآه ؟ ايوا يلا تعال ...
ــــــــــــــــــــــــــــــــــــــــــــــــــ ـــــــــ
في مدرسة البنات ,,..
بنت هربآنه من الفصل
جالسه بالحمآم وتكلم بجوالهـآ
- (ساره بخجل) ههههه فيصل شالكلآم ؟؟
- ههههههههههه ياقلبي على الي يستحون !
- (تذكرت شي وتغيرت ملامح وجهها) اييه صح , ليه سآعدت ألين انها تروح مدرسة اولاد , المفروض انت اول واحد يوقف ضد الموضوع
- أوهووو علينا , شـ جاب طاري الينو الحين ؟
- لاتضيع السالفه , ليه ساعدتها ؟
- اسمعي , ألين بنت كبيره وتفهم مصلحتها , لو انها صغيره كانت وقفت ضد الموضوع
- سبب غير منطقي
-
حتى لو وقفت ضد الموضوع هي بتدبر روحها وتروح لهلمدرسه , ألين ياساره لو
كان في بالها شي تسويه , ع الاقل تسوي وانا ادري عشان اقدر اساعدها ولا
يجيني يوم وانصدم
- آآممم , اجل اليوم اول يوم هآه؟ ودي اعرف شنو قعد يصير !
بعد فتره زمنيه ...
صفحه ~
عدت إلى المنزل يا دانيال
واخيرا عرفت اسمك
واخيرا وجدتك أمامي , لم اكن لاصدق هذا , ولكنه حقيقه
لقد تعرفت على بعض الاصدقاء ولكني لازلت متوتره
لقد قآبلت طلال ايضا !!
انه ذاك الشخص الذي سوف يدمرني ويدمرك بالمستقبل
أكرهه
كان يوما جميلا ولكني لم احسن التمثيل
اممم انا اسفه يا دانيال , لقد اخذني طلال الى مكانه السري
ولكني لم اخونك , فإنه شخص لايعني لي أي شيء
(تثاؤب) انا الآن متعبه يا دآنيال
تمسي على خير
\
/
\
في البيت ,,
كآن بالصاله الرئيسيه جالس على لاب توبه
أبوه اغلب الوقت بالشغل لانه ماسك ادارة قسم ولازم يكون متواجد اغلب الاحيان
و امه مسافره عند اهلها
و اخته لورا .............. صراحه مايدري عنها !
دآنيال طبعه هادئ وماعنده مشكله اذا ظل في البيت لحاله
لمدة يوم او يومين او اسبوعين , عآآآدي ~
بالصدفه مرّت اخته لورا قرب الصاله
لورا : انت مارحت مع ماما ؟
دآنيال سكت وما جاوب لانه سؤال ماله داعي
لورا حطت يدها ع خصرها : انا اكلمك
رفع عينه عليها وكأنه يقولها شتبين ؟
لورا : مارحت مع ماما ؟
دآنيال تأملها وبعدين جاوب : شرايك ؟ انا قدآمك شـ السؤال ؟
لورا : طيب ليه مارحت معاها ؟
دآنيال ظل ساكت مايبي يتكلم كثير ~
لورا بعصبيه : اوووووف دائما ساكت ساكت اوف منك (راحت وتركته وهي معصبه)
^
^
لمحه بسيطه عن يوميات دانيال ~
أمآ طلال ~
جآلسين يلعبون بلاي ستيشن بغرفتهم الفوضيه
قدآمهم فوشار وشيبسات وخرابيط
طلال يضحك ومتحمس باللعبه : انا اوّل انا اوّل راح اسبقك بتششوف
سليمآن : هاهاي ماتقدر , اصلا سرعة سيارتي اعلى
عينهم متعلقه بالشاشه ومستحيل تبتعد
دخلت امهم
- تدرون كم الساعه الحين ؟
- ...........................
- (عصبت) انا اكلمكم
- (طلال وعينه بالشاشه) سليمآنو اضغط ستارت
- (سليمآن نفس الحاله) اضغطه انت
- (عصّب) الزر طايح من زماااان , اضغط ستارت شوف امي شتبي !
- اضغط عليه انت بتموت يعني ؟ (تغير وجهه) ها ها راح اوووووووصل الحين , قربت من خط النهايه ..
قررررررربت
(----------)
امهم سحبت السلك
سليمان مبقق عينه : يمآ ليه ؟
طلال عصّب على اخوه : كله منك اوف (وقف وراح )
امهم : وقت النوم للنوم ,,.. تأخرتوا الساعه 2 ونص الفجر
سليمان : طيب بقوم الحين
وكل يوم على هالحاله ><
^
^
لمحه بسيطه عن هذه العائله ايضا
صفحه ~
صباح جديد
ومحاوله جديده
وتمثيل جديد
سـ أجيده هذه المره بإذن الله
كالعاده راحت المدرسه
بس هالمره راحت مبكر مرره لحد ان المدرسه شبه فاضيه
دخلت المبنى وهي طفشانه ومافي احد تسولف معاه
ظلت تدور وتدور بالمدرسه
وفكرت انها تروح المكان السري الي اخذها فيه طلال يوم امس
راحت للمكان السري كان باب بآخر رواق الفصول , شبه مغبر
دخلت
وهو عباره عن بلكونه تطل على ساحة المدرسه الواسعه
وجنبها درج يودي للدور الثاني
ما اهتمت للدرج
الي اعجبها البلكونه
ظلت واقفه قدامها , وصارت تتكلم مع حالها
وقامت تتكلم مثل نوعية الكلام الي تكتبه بكتابها
ألين : اكتشفت هذا المكان
انه هادئ
استطيع ان استمع الى انفاسي
(سكتت حست روحها مجنونه)
مرّت نسمة هواء بارده
وبدت تغني اغنية الاماكن
- الاماكن كلها مشتاقه لك
(طرآآآآآآآآآآآآخ )
سمعت شي طاح بقوووووه
وصرخت
آآآآآآآآآآآآآآآآ
طلعت من الباب بسرررعه وراحت ركض للفصل
وجلست ولا كأنها سوت شي
كانت خايفه
نروح لـ طلال و اخوهـ ~
كانوا بـ سابع نومه من بعد السهره
امهم حاولت تجلسهم بس يأست
عشان كذا جا دور ابوهم
-
(شغّل الانوار) انتوا ما جلستوا لما الحين ؟ (شاف الساعه الي ع الحائط)
الساعه 7 وربع ! غريبه مارنت الساعه ( 3ثواني بالضبط وسمع صوت منبه جوال
طلال وسليمان و منبه ساعه عادي )
كان ازعآج , بس محد جلس
رآح طفى التكييف وفتح الستائر ورفع البطانيات
وراح لـ سليمان ومسكه من ذارعه ورفعه و وقفآه ع الارض
- يلا يلا اجلس , الحين مدرسه
- يبآآآ ابي اناام
- محد قالكم تطقونها سهره , يلا تأخرتوا
سليمان راح الحمام وهو يمشي بصعوبه
الابو تنهد والتفت ع طلال : طلال
طلال بصوت كله نوم : صحيت
الابو : وقف
طلال : سليمآن بالحمام لما يطلع بقوم
الابو : يعني مافي الا حمام واحد في البيت ؟ خلصني قوم
طلال قآم وهو معصب , لان النوم عشقه ~> ترى ابد مو انا
وبعد ماتجهزوا راحو المدرسه
ملحوظه : سليمان بـ 2 متوسط ~
طلال كان ماله خلق ابد , كان سهران وشبه مواصل
مانام الا كم ساعه
وهو دآخل الفصل بالصدفه شاف الين
الين كانت مرعوبه من الموقف الي صار لها بالمكان السري
وراحت نقزت عند طلال
- طلال الحق , لما كنت بالمكان السري سمعت صوت شي يطيح
- شسوي يعني !
- مادري بس انا مره خفت و ......
- (قاطعها بصراخ) اوووه , شدخلني فيك ! ترى من جد مو فاضي لك
- (مستغربه وقربّت جنب طلال) طلال فيك شي ؟
-
(دفها بقوه بعيد عنه وقال بصراخ ) انت مااااتفهم ؟ قلت لك مو فاضي لك !
وحركاتك صراحه ما اقدر اتحملها ! غريبه ومثيره للشكوك (مسكها من ذراعها
وهزها بقوه) ان قربت جنبي مره ثانيه بتشوف شي عمرك ماشفته ! (ورماها ع
الطاوله بقوه)
وطلع من الفصل وهو معصب !
أما هي تألمت وصار رضوض بجسمها
هي قربت تبي تجلس بالمقعد الي جنبه
عشان تقدر تساعده باللي هو متضايق فيه ~> تستخدم هالطريقه مع ساره
بس ماتوقعت النتايج بتكون وخيمه
اتضايقت مره
وراحت تركض للمكان السري
و فتحت الباب وراحت للبلكونه بسرعه وصرخت بأعلى صوتها : حقــــــــــــــــــــــــير
انهارت ع الارض وتكورت ع نفسها وصارت تبكي
تبكي ح ـــــــــيل ~
كانت تحتاج احد
واكيد فكرت فيه ..
محد غيره ..
فارســـــــــــــــها
ظلت تبكي وتبكي
سمعت خطوات تقرّب
بس مارفعت راسها لانها خافت تشوف شي يفزعها زياده
قرب هالشخص اكثر واكثر لما صار قريب منها
جلس جنبها
وحـــــظنــــــها
وظل يمسح على شعرها وظهرها
غيّر وضعية جلوسه لـ وضعيه انسب اكثر
وظل حاظنها
باسها على راسها
و وقف , وطلع من المكان
مين الشخص ؟
معقوله يكون طلال ؟ يبي يراضيها ؟
ولا دانيال ؟ يمكن ناصر او فارس ؟!
رآيكم بالشخصيـآت ؟!
توقعاتكم !!!!
Hitskin.com
.
.
.
.