البنات وملاهي الشلال بجده حساس جدا

شلال جدة ..
أو كباريه جدة

.. أو دعارة جدة !!

أو ملاهي الشلال

أو حديقة الشلال

كُلها مسميات لذاتِ المكان !

- منتزة الشلال الترفيهي في جدة -

وحطوا ع كلمة " ترفيهي " ألف خط

:
:

أبغى اتكلم عادي ..

و بصراحه يعني

أنا بنت في جدة .. و زي اي بنت .. تروح الشلال يوم الثلاثاء !

طبعا مو كل ثلاثاء .. و لا هوّ حباً في المكان

بس عشان صاحباتي يتجمعوا هناك

و عشان الأهل " المساكين "

يحسبوه مكان " مؤدب "

و مناسب للبنات

بما أنه " يوم نسائي "

:
:

اوكي نبدأ من البداية

يوم أمس أول يوم اجازة

كل البنات راحوا الشلال

زحمة مو طبيعية و لا الحج !

ما في تنظيم الحريم و البنات فوق بعض يشتروا تذاكر

فاهمين ايش يعني فوق بعض ؟

يعني لو وحدة طاحت يدعون عليها و يكملون !!

و أنواع السب و الكلام الوسخ تسمعه !

و رجال الأمن و السيكيوريتي " أطال الله في عمرهم "

ما يسوا شي

بس يطالعوا في الحريم

و فيهم نظره شماااته

و لا يكلفوا على عمرهم يرتبوا الحريم في طوابير

و لا يسووا أي اجراء مثلا : ما في احد يدخل الا بنظام

مافي !!!

" احنا في جدة و في الشلال تبغي تدخلي دفي و اتزاحمي و أدخلي "

بعد ما تدخلي تحسبي اللي برا ناس ما عندها أخلاق ..

تلقي الناس اللي جوا

ما يشبهوا المسلمين !!!

و لا كأننا في بلد مسلم !

معليش شباب أنا مو متعصبه دينياً

أو مره ملتزمه

بس حقيقي حريم مو لابسين شي

بالعربي .. " جايه بالأندروير " !!

من زين الأجسام عاد خخخخ

المهم .. يمكن كل واحد حر بلبسه !

بس في لبس يكون " أووووفر "

يعني يكون الكرشه كبر راسها و مبينتها

و غيرها كثير

نجي " للشذوذ "

اللزبيون .. !!

و البويات

اللي أغلب الشلال منهم !

أول شي اداره الشلال فاتحين " زي "

البارمسمينه " صالة بولنغ "

محد يدخله عشان البولنغ

تدخل هناك تلقى بنات على وضع مخل بالاداب
و بنات حاضنين بعض بوضع أصلا مقررف

و الدخان و السجاير اللي ما تنطفي

و الشاطره اللي تدخن أكترر

اللي يحزن يكونو اطفال " متوسط "

و يدخنوا

و يرقصوا

و يسوا

بويات !!

ويتبادلون القبلات بشكل مقرف في اي مكان تتخيلوهـ وربي ما أكذب !!

لا تحسبوا اني أضخم الموضوع ..

!!!

طبعا غير المعسلات اللي مسموحه لأي احد

بأي عمر

و بأي كميه !!

غير الأكل اللي أكيد مو نظيف لأن اللي يشتغلوا ما يقدروا يلحقوا ع الكل

يشتغلوا بـ وساخة

بمكان وسخ

و البنات يآآكلو أهم شي يعبوا البطن !!

طبعا طبعا غير الغلاء اللي عينك عينك

يعني آيس كريم بـ 20 ريال

عصير بـ 10

تطلب وجبه بـ 20 تجيك وجبه حقت 10 ريال

و ما تقدر تفك فمك

يسبوك !!

ما في شي اسمه حقي ضاع !

حقك ضاع روح بيت أهلك !!

مو عاجبك ؟

لا تجي !!

طيب دا كله في كل ثلاثاء

الحين الجديد فوق قله الأدب اللي هناك

و فوق الوساخه

فتحوا مكان " دي جي "

عشان اللزبيون ياخذوا راحتهم بالقوة

طبعا اللزبيون هناك – الشاذين –

مره مآخديين راحتهم

و مره يعني صاروا شي مو غريب

لأنه زي ما قلت أغلبهم لزبيون !!!

:

طبعا ما اشوف سيكيوريتي هناك !

و سمعت عن حكاية المخدرات اللي مسكوها مع بنات هناك !

و ما استبعد الشي دا و الله !!

و ما حتكلم عن الايمو اللي خلاص مره صارو مليانين

و اللي يتشبهوا بعبدة الشيطان

اللي كل وجههم و جسمهم مخرّق و فيه حلقان

اللي يلبسو أسود و سلاسل جماجم مره كتير

صاروا كتير في الشلال !!

و المتشبهـ فيهم يعتبروه " كووووول ":

:

أنا مو ضد الشلال !

بس حقيقي المكان لو ربي خسف فيه الأرض

حلال فيهم !!

بس حرام و الله الأطفال اللي يروحو كدا يصيروا و البنات اللي يشوفوهم يصيروا قدوتهم

و يقلدوهم !!

حقيقي حرام !!

بليز شباب انتبهوا ... المكان حقيقي يخوّف و حقيقي مُستفِزّ !!!

:

انا ماتعودت اكتم الحقيقه اللي اشوفها

يعني والله حرام يكون في ارض الحرمين مكان زي كدا

انا اتكلمت عن اشياءانا شفتها يعيوني مافي احد قالي عليها !!_

فين الوازع الديني فين الاهالي عن بناتهم

مو معقوله اشياء تنشاف بالعين مو مبهمه علشان مايعرفو

الاهل عن تصرفات بنتهم بنتهم

انا من مره وحده رحت وكرهت المكان من الاساس جلست

اتخيل لو ربي خسف بالمكان...والله مافي يما ارحميني

الصالح على الطالح كلهم يروحو فيها

فين المسؤلين ... اعتقد انه في هيئةامر بالمعروف ونهي عن

المنكر ... ماااقول غير اللهم اني اعوذ بكـ من فتن الدنيا .

انتباااهـ :.

انا لم اعمم البنات جميعهم وانما فئه معينه منهم ولم

اتكلم عن الموضوع الا لانتشاااارهـ في جميع الاماكن ..

ابغى رأيكم وماهي الحلول في نظركم نحو مكان عاام كهذا؟؟

اعذروني على الموضوع بس هاذه الحقيقهـ

تحياتي

مشكوووووورة

العفووووووووووووو

اين بقية الردود؟؟؟؟؟؟؟؟؟؟؟

لا اعرف

بنات اين الردود

مشكوووووووووووووووووووووووووووووووووووووووووووووووورهـــ

:!: :?:

مشكورهـ :!:

العفو بس ما عندكم تعليقات على هاذا الشي مع انكم كلكم من جده انا غلطانه ؟؟؟؟

لالالالالالالالا مو غلطنه بس انا ماعندي تعليق الصرحه

مشكووووووورة

العفووووووووو

شكرا

لا حول ولا قوة إلا بالله

هذا يعود لغفلة الأهل

الأهل هم السبب في تربية بناتهم

مشكوووووووووورة

قصتي نفس البنت بالضببط

يوم كنت بالملاهي الشلال((جده))

تسلمي

» شوفو هــــــــــــــــــــــــــــــــــبال البنات هع
» الى كل البنات
» فار يحب البنات ؟؟؟؟؟؟
» تدخين البنات
» «®°·.¸.•°°·.¸.•°™اغبى البنات ™°·.¸.•°°·.¸.•°®»